مکو آ نہ (این این آئی) اعلی و ثانوی تعلیمی بورڈ فیصل آبادامتحان میٹرک کلاس دہم و کمپوزٹ(سیکنڈ)سالانہ 2025کے نتائج کا اعلان 20 نومبربروزجمعرات کو کرے گا۔ بورڈ کے ترجمان ساجد نقوی نے بتایا کہ کمشنر وچیئرمین بورڈ آف انٹرمیڈیٹ اینڈ سیکنڈری ایجوکیشن فیصل آبادراجہ جہانگیر انور کی ہدایت پر ایجوکیشن بورڈ فیصل آباد کے زیراہتمام منعقد ہونے والے امتحان میٹرک کلاس دہم و کمپوزٹ(سیکنڈ)سالانہ 2025 کے نتائج کا اعلان جمعرات کی صبح10بجے کیا جائے گا۔انہوں نے بتایا کہ اس سلسلہ میں نتائج کی سادہ و پروقار تقریب کمشنر و چیئرمین تعلیمی بورڈ فیصل آباد راجہ جہانگیر انور کی زیرصدارت منعقد ہو گی جس میں سیکرٹری بورڈ ڈاکٹر حبیب الرحمن و کنٹرولر امتحانات ڈاکٹر محمد جعفر علی بھی شریک ہوں گے۔انہوں نے بتایا کہ حکومت پنجاب کی ہدایات کے مطابق 10 بجے دن کمشنر وچیئرمین تعلیمی بورڈ فیصل آباد راجہ جہانگیر انور لیپ ٹاپ پر بٹن دبا کر رزلٹ بورڈ کی ویب سائیٹ www.bisefsd.edu.pk پر اپ لوڈکریں گے۔دریں اثنا سیکرٹری بورڈ ڈاکٹر حبیب الرحمن نے بتایا کہ نتائج سنڈیکیٹ مارکنگ کے تحت حکومت پنجاب کے وضع کردہ ایس او پیز کے مطابق سخت محنت و انتہائی احتیاط سے تیار کئے گئے ہیں جو انشااللہ تعالی ہر قسم کی غلطیوں سے پاک ہوں گے تاہم نتائج یا دیگر معلومات کیلئے کنٹرولر امتحانات ڈاکٹر محمد جعفر علی کے دفتری فون نمبر0419330366 پر رابطہ کیا جا سکتا ہے۔
تعلیمی بورڈ فیصل آباد امتحان میٹرک کلاس دہم و کمپوزٹ(سیکنڈ)سالانہ کے نتائج کا اعلان 20 نومبرکو کرے گا
