کوئٹہ(این این آئی)پاکستان پیپلز پارٹی کے مرکزی رہنما سردار سربلند خان جوگیزئی سے منگل کو یہاں پاکستان مسلم لیگ (ن) کے رہنما و سابق ڈپٹی میئر کوئٹہ میر یونس بلوچ، کوئٹہ یونیٹی فورم کے سربراہ میر اسلم رند، کوئٹہ عوامی اتحاد کے چیئرمین عابد جان، صدر ملک ابرارنے ملاقات کی ملاقات کے دوران پی پی پی کے صوبائی رہنما حاجی ربانی خان خلجی، ملک ذیشان حسین، ندیم احمد خان و دیگربھی موجود تھے۔ ملاقات میں کوئٹہ کے بلدیاتی انتخابات کے حوالے سے تفصیلی تبادلہ خیال کیا گیا۔ رہنماؤں نے مختلف حلقوں میں سیٹ ایڈجسمنٹ سمیت انتخابی معاملات پر مشاورت کی اور باہمی تعاون کے ذریعے بہتر سیاسی حکمتِ عملی وضع کرنے پر اتفاق کیا۔شرکاء نے اس بات پر زور دیا کہ عوامی مسائل کے حل، شہر کی ترقی اور جمہوری اقدار کے فروغ کے لیے تمام سیاسی قوتوں کو مثبت کردار ادا کرنا ہوگا۔سردارسربلند جوگیزئی نے کہا کہ پاکستان پیپلز پارٹی بلدیاتی انتخابات میں بھر پور حصہ لے رہی ہے اس سلسلے میں دیگر سیاسی جماعتوں اور اتحادوں سے بھی رابطے کئے جارہے ہیں تاکہ جہاں ضرورت پڑے ملکر انتخابات میں حصہ لیا جاسکے۔
عوامی مسائل کے حل، شہر کی ترقی،جمہوری اقدار کے فروغ کیلئے تمام سیاسی قوتوں کو مثبت کردار ادا کرنا ہوگا
