پاپولیشن ویلفیئر خاندانی منصوبہ بندی کرنیوالے جوڑوں کو ہرممکن سہولیات کی فراہمی کویقینی بنائی جارہی ہے،ظفر بلیدی

کوئٹہ(این این آئی)سیکرٹری پاپولیشن ویلفیئر بلوچستان ظفر بلیدی نے کہا ہے کہ محکمہ پاپولیشن ویلفیئر خاندانی منصوبہ بندی کرنے والے جوڑوں کو ہرممکن سہولیات کی فراہمی کویقینی بنایارہا ہے کیونکہ ماں اور بچے کی صحت کیلئے بچے کی پیدائش میں وقفہ ضروری ہے،محکمہ پاپولیشن کے ساتھ کام کرنے والے اسٹیک ہولڈز کو چاہئے کہ وہ تمام ڈیٹا کی مکمل بروقت فراہمی کو یقینی بنائیں تاکہ تمام سامان کاریکارڈ رکھا جاسکے۔یہ بات انہوں نے بدھ کو مقامی ہوٹل میں محکمہ پاپولیشن ویلفیئر بلوچستان اور یو این ایف پی اے کے زیراہتمام ایف پی 2023ورکنگ گروپ کے ٹیکنیکل مشاورتی ورکشاپ سے خطاب کرتے ہوئے کہی ورکشاپ سے یواین ایف پی اے کی ڈاکٹر سعدیہ عطاء، پی پی ایچ آئی کے چیف ایگزیکٹو ایم بی راجہ دریجو،پی ڈبلیو ڈی کی ڈاکٹر امبرین مینگل،ڈائریکٹرایڈمن عبدالستار بلوچ، عبدالستار شاہوانی،ولی محمد بڑیچ،محمد انور،داود خان،جمعہ خان کاکڑ،احمد سومرو،ڈاکٹر ثمینہ بگٹی،ہارون کاسی،محمد انورریکی،بلال بلوچ،حبیبہ اوردیگر نے بھی خطاب کیاظفر بلیدی، ایم بی راجہ دریجو، ڈاکٹر سعدیہ عطاء نے کہا کہ ہمیں چاہئے کہ ورکنگ گروپ بنائیں جو تمام چیزوں کودیکھیں اورانکا فالو اپ بھی لیں۔انہوں نے کہا کہ محکمہ پاپولیشن ویلفیئر کے ساتھ کام کرنے والے تمام اسٹیک ہولڈزر کو چاہئے کہ وہ اپنی ڈیمانڈبروقت محکمہ کو دیں تاکہ انہیں جو سامان چاہئے اسکی فراہمی یقینی بنائی جاسکے۔انہوں نے کہا کہ یو این ایف پی اے کا شکریہ اد اکرتے ہیں کہ وہ ملازمین کو ٹریننگ دے رہے ہیں جس سے محکمہ کی کارکردگی میں بہتری آرہی ہے۔انہوں نے کہا کہ تمام اسٹیک ہولڈ بروقت ڈیٹا اور کلائنٹ کو فراہم کئے جانے والے سامان کی مکمل فراہمی کو یقینی بنائیں تاکہ تمام ریکارڈ کو محفوظ کیا جاسکے۔