کامیڈی میں پنج لائن کی بنیاد امان اللہ نے رکھی‘نسیم وکی

لاہور(این این آئی)فلم،ٹی وی اور اسٹیج کے نامور اداکار نسیم وکی نے کہا ہے کہ امان اللہ مرحوم کامیڈی کے لیجنڈ اداکار ہی نہیں بلکہ نئی کامیڈین کے بانی بھی تھے،پنج لائن کیا ہوتی ہے اس کی بنیاد امان اللہ نے رکھی۔ ایک انٹر ویو میں نسیم وکی نے کہا کہ پاکستان کامیڈی کے میدان میں بہت زر خیز ہے، ہمارے فنکاروں کو بغیر اسکرپٹ بھی اسٹیج پر بھیج دیا جائے تو وہ شاندار پرفارمنس دے سکتے ہیں۔انہوں نے کہا کہ میں نے سینئر اداکار وسیم عباس سے بہت کچھ سکھا ہے، میں نئے آنے والوں کو یہی نصیحت کروں گا اپنے سینئرز سے سیکھیں اور ان کا دل سے احترام کریں۔