بی این پی رہنما ڈاکٹر عبدالغفور بلوچ کی معیشت پر سخت تنقید، اشرافیہ کو ذمہ دار قرار

تربت (رپورٹر) بی این پی کے رہنما ڈاکٹر عبدالغفور بلوچ نے کہا ہے کہ ہماری معیشت پولیو زدہ ہو چکی ہے، اور اس کا سنبھلنا ممکن نہیں۔ وفاقی وزراء اور دوسرے سرکردہ افراد اس حقیقت سے بخوبی واقف ہیں، لیکن جھوٹے دعوے کرکے عوام کو مزید مایوس کر رہے ہیں۔
​ہمارے مقتدرہ اور اشرافیہ کے دوسرے افراد ایک ‘ٹیکہ دار قسم کی ٹولی’ ہیں۔ یہ اپنا کام مکمل کرکے اور زرضمانت کے پیسے وصول کرکے کنارے ہو جائیں گے۔ بھگتنا صرف عوام کو ہے۔ کیا ہمارے جرنیل اور علمائے دین، جو فرزندانِ سرزمین ہیں، اپنا کردار ادا کرنے کی کوشش کریں گے؟ اگر نہیں، تو ہماری خستہ حال مخلوق ہی ساری دیواروں کو گرا دے گی، جو بہت خطرناک صورتحال پیدا کر سکتا ہے۔ مینارِ پاکستان، لاہور میں جماعت اسلامی کا جلسہ کسی سبب کے بغیر نہیں ہے۔ جاگو اور سب کو جگاؤ!