ڈیرہ مراد جمالی،ڈیرہ اللہ یار،دو مختلف ٹریفک حادثات،ایک شخص ہلاک،سب انسپکٹر شدید زخمی

ڈیرہ مراد جمالی(این این آئی) ڈیرہ مراد جمالی اور ڈیرہ اللہ یار میں دو مختلف ٹریفک حادثات ایک شخص ہلاک جبکہ سب انسپکٹر شدید زخمی ہو گیاپولیس کے مطابق ڈیرہ مراد جمالی کے قریب نوتال پولیس تھانے کی حدود میں قومی شاہراہ پر ایک تیز رفتار مزدا ٹرک نے نیشنل ہائی وے پولیس کی گشتی گاڑی کو ٹکر مار دی جس کے نتیجے میں سب انسپکٹر سفر دین کھوسو شدید زخمی ہوگیا جبکہ گاڑی کو نقصان پہنچاپولیس نے زخمی کو ہسپتال پہنچادیا اور ٹرک ڈرائیور کو گرفتارکرلیا۔ ڈیرہ اللہ یار سٹی پولیس تھانے کی حدود ڈی ایچ او آفس کے قریب رکشے میں سوار شخص کا کپڑا رکشے کی چین میں پھنسنے سے ایک شخص ہلاک ہوگیا۔ پولیس نے نعش قبضے میں لیکرہسپتال پہنچادی اور مزیدکارروائی شروع کردی۔