پیپلز پارٹی کوئٹہ کے بلدیاتی انتخابات میں بھر پور حصہ لے گی،28مئی کو کلین سویپ کریگی،نورالدین کاکڑ

کوئٹہ(این این آئی)پاکستان پیپلز پارٹی کوئٹہ سٹی کے سابق صدر نورالدین کاکڑ سے ہفتہ کو صوبائی ایگزیکٹو ممبر ارباب اسد کاسی، ارباب کامران کاسی اور ارباب صدام کاسی نے کوئٹہ سٹی سیکریٹریٹ سرکی روڈ میں ملاقات کی۔ملاقات کے موقع پر پی پی پی کوئٹہ سٹی کے معراج خلجی، ملک شازیب کاسی، عزیز خان، نجیب خان اچکزئی، ظفر خان داوی، قربان علی، عصمت اللہ ترین، صادق خان و دیگر موجود تھے۔ ملاقات کے دوران کوئٹہ کے بلدیاتی انتخابات کے حوالے سے تفصیلی بات چیت کی گئی۔نورالدین کاکڑ اور ارباب اسد کاسی نے کہا کہ پاکستان پیپلز پارٹی کوئٹہ کے بلدیاتی انتخابات میں بھرپور حصہ لے رہی ہے اورانشاء اللہ 28دسمبر کو ہونے والے انتخابات میں پیپلز پارٹی کلین سوئیپ کریگی۔ انہوں نے کہا کہ پارٹی کے صوبائی صدر سردار عمر گورگیج نے انتخابات کی تیاریوں اوردیگر سیاسی جماعتوں سے رابطے کیلئے مختلف کمیٹیاں تشکیل دیدی ہیں جو تمام امور کی نگرانی کریں گی۔ انہوں نے کہا کہ پاکستان پیپلز پارٹی کے جیالے بلدیاتی انتخابات میں پارٹی امیدواروں کی کامیابی کیلئے عوام سے قریبی رابطہ رکھیں تاکہ زیادہ سے زیادہ پاکستان پیپلز پارٹی کے امیدوار کامیاب ہوسکیں۔