وفاقی محتسب کے احکامات پر درخواست گزار خاتون کو بینظیر کفالت پروگرام کے 13500 روپے فراہم کر دیے گئے

کوئٹہ(این این آئی)وفاقی محتسب کے احکامات پر درخواست گزار خاتون محترمہ بی بی سْرساند کو بے نظیر کفالت پروگرام کے 13500 روپے فراہم کر دیے گئے۔شکایت گزار خاتون بی بی سرساند نے بتایا کہ وہ ایک غریب خاندان سے تعلق رکھتی ہیں اور انہوں نے بینظیر انکم سپورٹ پروگرام (BISP) کے وظیفے کے لیے درخواست دی ہے، لیکن انہیں طویل عرصے سے کوئی وظیفہ موصول نہیں ہوا۔لہذا، درخواست گزار خاتون انصاف کے حصول کے لیے وفاقی محتسب آئی اور متعلقہ محکمے کی تاخیر اور عدم توجہی کے خلاف درخواست دائر کی۔درخواست موصول ہوتے ہی وفاقی محتسب کوئٹہ نے بروقت انکوائری کا آغاز کیا اور متعلقہ محکمے کو طلب کر کے کیس کی فوری سماعت شروع کر دی۔سماعت کے دوران متعلقہ محکمہ کوئی تسلی بخش جواب نہ دے سکا۔لہذا، وفاقی محتسب نے احکامات جاری کیے کہ درخواست گزار کے بے نظیر انکم سپورٹ پروگرام کی جانب سے امداد بحال کی جائے۔احکامات موصول ہوتے ہی متعلقہ محکمے نے درخواست گزار کو سہ ماہی قسط کی رقم 13500 روپے جاری کر دیے۔اس بروقت اور منصفانہ فیصلے پر درخواست گزار نے وفاقی محتسب کا شکریہ ادا کیا۔لہٰذا، شکایت کنندہ نے متعلقہ حکام سے اپنی شکایت کے فوری ازالے کی درخواست کی ہے۔