ارباب محمد عمر، ملک اصغر لاڑک اپنے درجنوں سیاسی کے ساتھ گیلو پینل سے راہیں جدا کرلیں

بولان(این این آئی)ارباب محمد عمر برڑہ اور ملک اصغر لاڑک نے گیلو پینل سے علیحدگی کا اعلان کر دیا تفصیلات کے مطابق ڈھاڈر میں معروف سیاسی و سماجی رہنماؤں ارباب محمد عمر برڑہ، ملک اصغر لاڑک، میرآب نثار احمد لاڑک، ڈاکٹر ہدایت اللہ میراب سجاد احمد لاڑک و دیگر نے اپنے درجنوں سیاسی رفقاء کے ہمراہ ایک پرہجوم پریس کانفرنس کے دوران صوبائی وزیر میر عاصم کرد گیلو کے پینل سے علیحدگی کا باقاعدہ اعلان کر دیا پریس کانفرنس میں انہوں نے کہا کہ گیلو پینل میں ہمیشہ منظور نظر افراد کو نوازا جاتا رہا ہے اور ڈھاڈر سٹی کے نوجوانوں کو سرکاری ملازمتوں میں محروم رکھا گیا ہے۔ مزید بتایا کہ ارباب محلہ اور میرآب محلے کے لیے ٹرانسفارمر کا مطالبہ بھی پورا نہیں کیا گیا اور علاقے میں سوئی گیس کی سہولت سے محرومی برقرار ہیجس پر گیلو پینل میں ان کے علاقوں کو اہمیت نہیں دی جا رہی انہوں نے کہا کہ ترقیاتی اسکیموں میں بھی ہمارے علاقوں کو نظر انداز کیا گیا، یہی بنیادی وجوہات ہیں جن کی بنا پر وہ گیلو پینل سے علیحدگی اختیار کر رہے ہیں ایک سوال کے جواب میں انہوں نے مزید کہا کہ آئندہ کسی بھی پینل یا سیاسی جماعت میں شمولیت اپنی برادریوں اور سیاسی رفقاء سے مشاورت کے بعد بزریعہ میڈیا بہت جلد اعلان کی جائے گی۔