گورنربلوچستان جعفرخان مندوخیل نے علی مدد جتک سے صوبائی وزیر کے عہدے کا حلف لے لیا

کوئٹہ(این این آئی)گورنر بلوچستان جعفر خان مندوخیل نے رکن صوبائی اسمبلی حاجی علی مدد جتک سے صوبائی وزیر کے عہدے کا حلف لے لیا۔ پیر کو گورنر ہاؤس کوئٹہ میں ایک سادہ مگر پروقار تقریب حلف برداری منعقد ہوئی جس میں رکن صوبائی اسمبلی علی مدد جتک نے صوبائی وزیر کے عہدے کا حلف اٹھایا۔ گورنر بلوچستان جعفر خان مندوخیل نے علی مدد جتک سے حلف لیا۔ اس موقع پر وزیراعلیٰ بلوچستان میر سرفراز بگٹی، اسپیکر بلوچستان اسمبلی کیپٹن ریٹائرڈ عبدالخالق اچکزئی، صوبائی وزراء، اراکین صوبائی اسمبلی، چیف سیکرٹری بلوچستان شکیل قادر خان، صوبائی سیکرٹریز اورسیاسی رہنما بھی موجود تھے۔