بیرون ممالک کے میڈیکل کالجز میں پڑھنے والوں کیلئے نئی شرائط سامنے آگئیں

فارن میڈیکل کالجز میں پڑھنے والوں کیلئے نئی شرائط آگئیں ۔ پاکستان میڈیکل اینڈ ڈینٹل کونسل نے نئی ریگولیشنز جاری کر دیں۔
ایف ایس سی پاکستان سے پاس کرنے پر کم از کم 60 فیصد نمبر لازمی ہیں ۔ ایم ڈی کیٹ امتحان میں کم از کم 50 فیصد نمبر لینا لازمی ہیں ۔ بیرون ملک سے ایم سی کیٹ ، یو کیٹ میں 50 فیصد نمبر لینا لازمی ہے ۔ میڈیکل گریجوایٹس کی منظور شدہ فہرست میں شامل ہونا لازم ہے ۔
ایلوپیتھک میڈیسن میں 5 سالہ ڈگری پروگرام ہونا لازم ہے ۔ فارن میڈیکل گریجوایشن کیلئے 6200 آورز کی سٹڈیز و 80 فیصد حاضری لازم ہے ۔
فارن میڈیکل کالج میں داخلہ لیتے وقت پی ایم ڈی سی سے آن لائن رجسٹریشن سرٹیفکیٹ لینا لازم ہے ۔ فارن ایجوکیشن کے دوران سٹڈی ویزا اور آمدورفت کا ریکارڈ فراہم کرنا لازم ہے ۔ فارن میڈیکل گریجوایٹس کیلئے نیشنل رجسٹریشن ایگزامینیشن لازمی ہے ۔
فارن میڈیکل کالج میں داخلے سے قبل اس ملک کی لینگویج کا کورس لازم ہے ۔ شرائط پوری نہ کرنیوالےگریجوایٹس نیشنل رجسٹریشن امتحان دینے کے اہل نہیں ہونگے۔
نیشنل رجسٹریشن امتحان پاس نہ کرنے پر پی ایم ڈی سی کا لائسنس نہیں ملے گا۔