کمشنر لورالائی ڈویژن ولی محمد بڑیچ سے آ ل پارٹیز کے رہنماؤں کی ملاقات

لورالائی(این این آئی) کمشنر لورالائی ڈویژن ولی محمد بڑیچ سے آ ل پارٹیز کے رہنماؤں نے ملاقات کی جس میں مولانا محمد امین زاہد، شمس حمزہ زئی، کمانڈر شاہ محمد زخپیل، سردار اعظم جان، محمد صابر کدیزئی، پیر محمد کاکڑ،ملک اختر گل حمزازئی محمد شریف ایڈوکیٹ،ملک امان اللہ ناصر، عطاو اللہ کاکڑ، و دیگر شامل تھے۔ اس موقع آ لپارٹیز کے رہنماؤں نے کمشنر لورالائی ڈویژن کو چارج سنبھالنے پر مبارکباد دی اور ان کے آ نے پر خوشی اور اچھے توقعات کا اظہار کیا۔ اس موقع آ ل پارٹیز کے قائدین نے کمشنر لورالائی ڈویژن کو کوئٹہ ٹو ڈی جی روٹ پر امن وامان کی صورتحال اور رات کے وقت ٹریفک بندش کی شکایت کی۔ انہوں نیبتایا کہ میختر چیک پوسٹ کو شام 6 سے بند کیا جاتا ہے حالانکہ اس روٹ پر پورے صوبے کے علاوہ، سندھ اور افغانستان سے بھی، ٹرانسپورٹ، کوئلہ، فروٹ و سبزیوں کی گاڑیاں آ تی ہیں خاص کر سبزی و فروٹ روڈ کی بندش کی وجہ سے خراب ہوتے ہیں جس سے کروڑوں کا نقصان ہوتا ہے اور پنجاب ایریا میں بیواٹا سے ڈی جی خان تک مختلف چیک پوسٹ پر ٹرکوں سے بتہ مانگا جاتاہے۔ کمشنر لورالائی ڈویژن ولی محمد بڑیچ نے کہا کہ آ ل پارٹیز کے رہنماؤں کے مطالبات پر غور کیا جائے گا ان کی تجاویز کو حکام سے ڈسکس کر یں گے جنتا بھی جلد ممکن ہو عوام کو سہولیات فراہم کرنے کی کوشش کر یں گے تاہم سکورٹی مسائل کو دیکھ کر کوئی بھی فیصلہ کیا جاسکتا ہے تاکہ جانی نقصان نہ ہو انہوں نے کہاکہ وہ خود مذکورہ روڈ کا دورہ کریں گے جہاں بھی سکورٹی کا خدشہ ہو گا وہاں تو فورس تعینات ہو گی اور گشت بڑھائے گا۔ آ ل پارٹیز کے قائدین نے اپنی طرف سے انتطامیہ سے ہر ممکن تعاون کا یقین دلایا اور کہ ہم سب بجائے ہڑتال کے پہلے مذاکرات پر یقین رکھتے ہیں۔