اوتھل کو میونسپل کارپوریشن کا درجہ دینے کا مطالبہ زور پکڑ گیا

لسبیلہ(بیوروچیف حفیظ دانش)میونسپل کمیٹی اوتھل کو میونسپل کارپوریشن کا درجہ دینے کا مطالبہ اوتھل کے عوامی حلقوں نے وزیر اعلی بلوچستان میر سرفراز بگٹی وفاقی وزیر تجارت نواب جام کمال خان سے مطالبہ کیا ہے کہ لسبیلہ کے ضلعی ہیڈ کوارٹر اوتھل کو میونسپل کارپوریشن کا درجہ دیا جائےتفصیلات کے مطابق ضلع حب کے الگ ہونے کے بعد اوتھل کو ضلع لسبیلہ کا ضلعی ہیڈ کوارٹر ہونے کا اعزاز حاصل ہے، جہاں اب تمام بڑے سرکاری دفاتر قائم ہیں۔ اس تناظر میں اوتھل میں آبادی، شہری حدود اور مالیاتی گنجائش میں واضح اضافہ دیکھنے میں آیا ہے، جس کے بعد شہری و سماجی حلقوں کی جانب سے مطالبہ کیا جا رہا ہے کہ میونسپل کمیٹی اوتھل کو فوری طور پر میونسپل کارپوریشن کا درجہ دیا جائے عوامی حلقوں نے وزیر اعلیٰ بلوچستان میر سرفراز بگٹی، وفاقی وزیر تجارت نواب جام کمال خان عالیانی اور سیکریٹری پارلیمانی امور، سیاحت و ثقافت میر زرین خان مگسی سے اپیل کی ہے کہ اوتھل کو درپیش مسائل اور بڑھتی ضروریات کو مدنظر رکھتے ہوئے اسے میونسپل کارپوریشن کا درجہ دے کر مزید ترقیاتی فنڈز اور اختیارات دیے جائیں تاکہ عوام کو بہتر بلدیاتی سہولیات میسر آ سکیں عوامی حلقوں کا کہنا ہے کہ اوتھل کی موجودہ حیثیت میں شہریوں کو درپیش مسائل حل کرنا ممکن نہیں، اس لیے انتظامی بہتری اور شہری ترقی کے لیے یہ اقدام ناگزیر ہو چکا ہے۔