اوتھل: صحافیوں کے خلاف نازیبا رویے پر نیشنل پریس کلب کا شدید ردعمل، قانونی کارروائی کا مطالبہ

لسبیلہ(بیوروچیف حفیظ دانش) نیشنل پریس کلب اوتھل کے جملہ عہدیداران و ممبران نے اپنے مشترکہ جاری کردہ بیان میں شدید تشویش کا اظہار کرتے ہوئے کہا ہے کہ ایس ایچ او اوتھل کے بھائی پولیس ہلکار اور گورنمیٹ بوائز پرائمری درہ گوٹھ سکول کے ملازم قریبی عزیز و اقارب واٹس ایپ گروپس میں حقائق پر مبنی خبروں پر غیر ذمہ دارانہ نازیبا رویہ اختیار کر رہے ہیں۔ وہ نہ صرف صحافیوں کے خلاف غیر اخلاقی زبان استعمال کرتے ہیں بلکہ صحافتی آزادی کو دبانے کی بھی کوشش کر رہے ہیں۔انہوں نے کہا کہ ان افراد کو قانون کی کوئی پرواہ نہیں، کیونکہ وہ اثرورسوخ کے باعث خود کو قانون سے بالاتر سمجھتے ہیں۔ نیشنل پریس کلب اوتھل نے اس رویے کی سخت مذمت کرتے ہوئے ضلعی انتظامیہ اور پولیس کے اعلیٰ حکام اور محکمہ تعلیم کے اعلیٰ افسران سے مطالبہ کیا ہے کہ فوری نوٹس لیا جائے اور ان افراد کے خلاف قانون کے مطابق کارروائی کی جائے تاکہ صحافی آزادی کے ساتھ اپنا پیشہ ورانہ فریضہ انجام دے سکیں۔