تمبو(این این آئی) میونسپل کمیٹی ڈیرہ مراد جمالی کے چیف آفیسر محمد سلیم ڈومکی نے اپنی تعیناتی کے بعد شہر میں صفائی ستھرائی، نکاسی آب، اسٹریٹ لائٹس اور دیگر بلدیاتی سہولیات کی بہتری کے لیے قابل قدر اقدامات کیے ہیں۔ ان کی پیشہ ورانہ محنت، دیانت داری اور فرض شناسی نے شہریوں کا اعتماد جیت لیا ہے۔عوامی حلقوں کا کہنا ہے کہ محمد سلیم ڈومکی نے میونسپل عملے کو متحرک کر کے شہر کو صاف ستھرا رکھنے میں عملی کردار ادا کیا۔ گلی محلوں کی صفائی، کوڑا کرکٹ کی بروقت صفائی، اور بند نالیوں کی بحالی جیسے اقدامات قابلِ تعریف ہیں۔شہریوں نے کہا کہ محمد سلیم ڈومکی جیسے ذمے دار، باصلاحیت اور عوام دوست افسر ہی اداروں کی پہچان بنتے ہیں۔ انہوں نے اعلیٰ حکام سے مطالبہ کیا کہ ایسے افسران کی حوصلہ افزائی کی جائے تاکہ بلدیاتی نظام مزید بہتر ہو سکے۔۔۔
میونسپل کمیٹی ڈیرہ مراد جمالی کے چیف آفیسر محمد سلیم ڈومکی کی تعیناتی کے بعد شہرمیں صفائی کی صورتحال میں بہتری آئی ہے،عوامی حلقے
