کمیونٹی اساتذہ کاوالدین کمیٹی سے معاہدہ ختم کرکے براہ راست بی ای ایف سے کیا جائے،امین اللہ خان میانی

کوئٹہ(این این آئی)بلوچستان کمیونٹی اسکولز ٹیچرز ایسوسی ایشن کے صدر امین اللہ خان میانی نے کہا ہے کہ کمیونٹی اساتذہ گزشتہ 18سال سے انتہائی قلیل تنخواہوں پر صوبے کے دور دراز علاقوں میں کمیونٹی پرائمری اسکولوں میں باقاعدگی سے اپنی ڈیوٹیاں سرانجام دے رہے ہیں کمیونٹی اساتذہ ایک ان پڑھ والدین تعلیمی کمیٹی کے صدر کے ناجائز رویے سے تنگ آکر ہم حکومت بلوچستان اور ادارہ کے سربراہ محکمہ تعلیم سے اپیل کرتے ہیں کہ ہمیں ان پڑھ لوگوں کی غلامی سے آزاد کرکے ہمارا کنٹریکٹ براہ راست بی ای ایف کے ساتھ کیا جائے تاکہ ہم پرسکون ماحول میں بچوں کو تعلیم دے سکیں اور کمیٹی کو بچوں کو اسکول لانے اور دیگرامور پرپر فرائض لئے جائیں تاکہ استاد کے ساتھ تعلیمی ماحول میں مدد حاصل ہوسکے ہم کمیونٹی اساتذہ،صوبائی وزیر خزانہ، وزیر تعلیم، چیف سیکرٹری، سیکرٹری تعلیم،مینجنگ ڈائریکٹر عبدالواحد شاکر کے شکر گزار ہیں کہ انہوں نے کمیونٹی اساتذہ کی تنخواہوں میں خاطر خواہ اضافہ کرکے تعلیم دوستی کا ثبوت دیاامید ہے کہ پی ٹی ایس ایم سی کو ختم کرکے ٹیچردوستی کا ثبوت دیں۔