حب(این این آئی) اقلیتی رکن صوبائی اسمبلی بلوچستان ڈاکٹر اشوک کمار کو حب کی صورتحال پر تقریر مہنگی پڑ گئی حب میں انکا میڈیکل اسٹور سیل کردیا گیا۔ تفصیلات کے مطابق ہفتے کے روز ڈسٹرکٹ ہیلتھ آفیسر حب ڈاکٹر نور بخش بزنجو نے تحصیلدار حب جہانگیر خان کاکڑ کے ہمراہ اچانک مسلم لیگ(ن) کے اقلیتی رکن صوبائی اسمبلی بلوچستان ڈاکٹر اشوک کمار کے ہسپتال سپنا کے میڈیکل اسٹور کو سیل کردیا تاہم ڈی ایچ او سے رابطہ کرنے کی کوشش کی تو موصوف نے فون نہیں اٹھایا جبکہ دوسری جانب میڈیکل اسٹور پر کام کرنے والے عملے نے بتایا کہ ہم ڈی ایچ او کو بتایا کہ اسٹور کا لائسنس ہے مگر انہوں نے ہماری ایک نہیں سنی اور بغیر ڈرگ انسپکٹر کے آئے اور سیدھا میڈیکل اسٹور کو سیل کردیا واضع رہے کہ ڈاکٹر اشوک کمار نے پچھلے دنوں بلوچستان اسمبلی کے اجلاس میں حب میں موجودہ مخدوش صورتحال اور ایس پی حب کے خلاف تقریر کی تھی جس انکو اتحادی جماعت پی پی کی جانب سے سوشل میڈیا پر شدید تنقید کا نشانہ بنایا اور اب حب میں قائم درجنوں میڈیکل اسٹورز کو چھوڑ کر ڈی ایچ او کا ہنگامی طور پر صرف اشوک کمار کے میڈیکل اسٹور کو سیل کرنے کو سماجی حلقے سیاسی انتقام تصور کررہے ہیں تاہم اس حوالے سے اشوک کمار کاوقف سامنے نہیں آیا
اقلیتی رکن صوبائی اسمبلی بلوچستان ڈاکٹر اشوک کمار کو حب کی صورتحال پر تقریر مہنگی پڑ گئی حب میں انکا میڈیکل اسٹور سیل کردیا گیا
