چیئرمین مارکیٹ کمیٹی ہزار گنجی کو بجٹ ریلیز نہ ہونے سے 200ڈیلی ویجز ملازمین کوتنخواہوں کی ادائیگی نہ ہوسکی جبکہ ہزار گنجی سبزی و فروٹ منڈی میں صفائی کا کام بھی رک گیا

کوئٹہ(این این آئی) چیئرمین مارکیٹ کمیٹی ہزار گنجی کو بجٹ ریلیز نہ ہونے سے 200ڈیلی ویجز ملازمین کوتنخواہوں کی ادائیگی نہ ہوسکی جبکہ ہزار گنجی سبزی و فروٹ منڈی میں صفائی کا کام بھی رک گیا۔مارکیٹ کمیٹی ہزار گنجی کے ذرائع نے بتایا کہ ڈی جی ایکسٹینشن زراعت اور ڈائریکٹر مارکیٹنگ زراعت کی جانب سے چیئرمین مارکیٹ کمیٹی ہزار گنجی کیلئے بجٹ2025-26ء کے فنڈز ریلیزکی منظوری نہیں دی ہے جس کی وجہ سے مارکیٹ کمیٹی کے 200کے قریب ڈیلی ویجز ملازمین کو تنخواہوں کی ادائیگی نہیں ہوسکی جبکہ ہزار گنجی فروٹ و سبزی منڈی میں صفائی کا کام بھی رک گیاہے اور منڈی میں جگہ جگہ کچرے کے ڈھیر لگ گئے ہیں جس سے مختلف بیماریوں کے پھیلنے کا خدشہ پیدا ہوگیا ہے۔ ذرائع نے کہا کہ وزیراعلیٰ بلوچستان میرسرفراز بگٹی،صوبائی وزیر زراعت میر علی حسن زہری اور سیکرٹری زراعت چیئرمین مارکیٹ کمیٹی کو فنڈز ریلیز نہ کرنے کا نوٹس لیں تاکہ ملازمین کو تنخواہوں کی ادائیگی کی جاسکے اور منڈی میں صفائی کا عمل دوبارہ شروع ہوسکے۔