محکمہ ایکسائز نے 20ارب روپے مالیت کی غیر ملکی شراب،آئس اورچرس برآمد کرلی، ڈائریکٹر جنرل ایکسائز نارکوٹکس ساؤتھ محمد زمان خان

حب(این این آئی) محکمہ ایکسائز کا تاریخ کی سب سے بڑی کاروائی 20ارب روپے کی غیر ملکی شراب، آئیس اور چرس برآمد۔ ڈائریکٹر جنرل ایکسائز نارکوٹکس ساؤتھ محمد زمان خان نے منگل کے روز پریس کانفرنس کرتے ہوئے بتایا کہ ایکسائز نارکوٹکس فورس نے تاریخ کی سب سے بڑی کاروائی کرتے ہوئے پاکستان نیوی کے تعاون سے لسبیلہ کے ساحلی علاقے کنڈملیر میں ساحل سمندر کے قریب کاروائی کرتے ہوئے چھپایا گیا 8ہزار غیر ملکی شراب اور بئیر کی بوتلیں، 600 کلو ہشیش(چرس) اور 200کلو آئس برآمد کرلیا جن کی عالمی منڈی میں قیمت 20 ارب روپے بتائی جارہی ہے۔ محمد زمان خان نے مزید کہا کہ ہم پاک نیوی کا مشکور ہیں جس کا ہر وقت تعاون ہمارے ساتھ ہے اور ہم وزیر اعلیٰ بلوچستان میر سرفراز بگٹی کے وڑن کے مطابق منشیات سے پاک بلوچستان کے لیے کاروائیاں کررہے ہیں یہ کاروائی اسکی ایک کھڑی ہے جس میں غیرملکی شراب سمیت مہلک نشہ آئس کی بڑی مقدار اور چرس بھی برآمد کیا ہے۔ انکا کہنا تھا کہ محکمہ ایکسائز بلوچستان کے دیگر علاقوں میں بھی اپنی کاروائیاں جاری رکھے ہوئے ہے غیر قانونی گاڑیوں سمیت محکمے کی بہتری اور ریونیو میں اضافے کے لیے اقدامات کررہے ہیں۔ ڈائریکٹر جنرل ایکسائز ساؤتھ محمد زمان خان نے کہا کہ ایکسائز اینٹی نارکوٹکس بلوچستان نے ماضی میں منشیات کے روک تھام کے خلاف مختلف کاروائیاں کی ان کاروائیوں میں کروڑوں مالیت کے منشیات جس میں آئس، چرس، ہیر وئن اور تریاق پکڑی گئی مجرموں کے خلاف ایف آئی آر درج کر چکی ہے اسی طرح پوست کے کاشت کے خلاف کاروائیاں جاری ہیں تاکہ پاکستان کے موجودہ poppy فری اسٹیٹس کو بر قرار رکھا جا سکے۔انکا کہنا تھا کہ ان کاروائیوں کے دوران بلوچستان کے مختلف اضلاع جس میں دکی، قلعہ سیف اللہ، قلعہ عبد اللہ، چمن اور لائی، قلات اور مستونگ میں پوست کے خلاف کاروائیاں عمل میں لاکر سینکڑوں ایکٹر کے تیار فصل ضائع کی جاچکی ہیں ایکسائیز اینٹی ٹار کو ٹکس ڈپارٹمنٹ بلوچستان آئندہ بھی پوست کے کاشت اور ہر طرح کے منشیات کے روک تھام کے لیے اپنا کردار ادا کرے گی۔