رکن بلوچستان اسمبلی آغا عمر احمدزئی عوام کی بلا رنگ و نسل خدمت کررہے ہیں،غلام نبی سرمست

کوئٹہ(این این آئی)سرمست بلوچ قومی اتحاد کے چیئرمین حاجی غلام نبی سرمست نے کہا ہے کہ رکن بلوچستان اسمبلی آغا عمر احمدزئی عوام کی بلا رنگ و نسل خدمت کررہے ہیں جس پر سرمست بلوچ قومی اتحاد انہیں خراج تحسین پیش کرتاہے۔ یہاں جاری ہونے والے ایک بیان میں حاجی غلام نبی سرمست نے کہا کہ آغا عمر احمدزئی جب سے رکن بلوچستان اسمبلی منتخب ہوئے ہیں حلقے میں بلا رنگ و نسل ترقیاتی کام کرائے ہیں جس سے عوام مستفید ہورہے ہیں۔ انہوں نے کہا کہ ماضی میں حلقے سے منتخب ہونے والے ایم پی ایز نے اکثر علاقوں کو نظر انداز کرکے من پسند علاقوں میں ترقیاتی کام کرائے جس سے عوام میں مایوسی بڑھی لیکن آغا عمر بنگلزئی نے منتخب ہونے کے بعد اپنے حلقے کے تمام علاقوں میں ریکارڈ ترقیاتی کام کرائے ہیں جس کی ماضی میں کوئی نظیر نہیں ملتی۔ انہوں نے آغا عمر احمدزئی کو خراج تحسین پیش کرتے ہوئے سرمست بلوچ قومی اتحاد کی طرف سے ہرممکن تعاون کا یقین دلایا۔