وفاقی محتسب کے احکامات پر درخواست گزار عبدالستار کو گیس کے بل میں 78,796 روپے کا ریلیف فراہم کر دیا گیا

کوئٹہ(این این آئی)وفاقی محتسب کے احکامات پر درخواست گزار عبدالستار کو گیس کے بل میں 78,796 روپے کا ریلیف فراہم کر دیا گیا۔شکایت گزار نے بتایا کہ انہیں Ssgcl کی جانب سے 172752 روپے کا غیر منصفانہ بل موصول ہوا۔جس پر انہوں نے بل کی درستگی کے لیے متعلقہ ادارے سے رابطہ کیا ان کے دفتر کے چکر کاٹے لیکن کوئی شنوائی نہ ہوئی۔لہذا انہوں نے اپنے مسئلے کے ازالے کے لیے وفاقی محتسب کوئٹہ سے رجوع کیا اور متعلقہ محکمے کے خلاف درخواست دائر کی۔درخواست موصول ہوتے ہی وفاقی محتسب کوئٹہ نے بروقت انکوائری کا آغاز کیا اور متعلقہ محکمے کو طلب کر کے کیس کی فوری سماعت شروع کر دی۔سماعت کے دوران متعلقہ محکمہ کوئی تسلی بخش جواب نہ دے سکا۔لہذا وفاقی محتسب نے احکامات جاری کیے کہ درخواست گزار کے گیس کے بل کی درستگی کی جائے۔احکامات موصول ہوتے ہی متعلقہ محکمے نے درخواست گزار کے گیس بل کی درستگی کر دی۔جس سے درخواست گزار کو 78,796 روپے کا ریلیف فراہم ہوا۔اس بروقت انکوائری اور منصفانہ فیصلے پر درخواست گزار نے وفاقی محتسب کا شکریہ ادا کیا۔