ڈپٹی ڈائریکٹر کا سب انجینئر نوید کیساتھ رویہ غیراخلاقی،انتقامی کارروائیوں کا نوٹس لیا جائے،نورزمان کاکڑ،حاجی ابراہیم زہری

کوئٹہ(این این آئی)پاکستان ڈپلومہ انجینئرز فیڈریشن کے صوبائی صدر نور زمان کاکڑ،صوبائی جنرل سیکرٹری حاجی محمد ابراہیم زہری،نائب صدرحضرت علی اچکزئی،اسلم کھیتران، پریس سیکرٹری خالد جاوید،ایری گیشن زون کے صدر نادر شاہ،بی ڈی اے کے صدر عارف بنگلزئی،زراعت کے صدر شیراحمد علیزئی، صلاح چھلگری اوردیگر نے اپنے مشترکہ بیان میں سیکرٹری زراعت سے مطالبہ کیاہے کہ ڈپٹی ڈائریکٹر واٹر مینجمنٹ پنجگور کے سب انجینئرز کے ساتھ انتقامی کارروائیوں کا نوٹس لیا جائے اور ڈپٹی ڈائریکٹر کا نوید سب انجینئرکے ساتھ رویہ ناسائشتہ اورغیراخلاقی ہے آئے روز سب انجینئرز کو دھونس دھمکی دی جاتی ہے میں آ پ کو ٹرانسفر کروں گا لہذا سیکرٹری زراعت زراعت اور ڈائریکٹر جنرل زراعت سے اپیل ہے کہ وہ ڈپٹی ڈائریکٹر کے نامناسب رویئے اورانتقامی کارروائیوں کا نوٹس لیکراسے فور طور پر ٹرانسفر کریں بصورت دیگر فیڈریشن انکے رویے کے خلاف سخت احتجاج پرمجبور ہوگی۔