کوئٹہ(این این آئی) پاکستان مسلم لیگ (ن) بلوچستان کے صوبائی جنرل سیکرٹری و رکن قومی اسمبلی جمال شاہ کاکڑ نے افغانستان میں حالیہ زلزلے میں بڑے پیمانے پر انسانی اموات اور گلگت بلتستان میں ہیلی کاپٹر گرنے کے افسوسناک واقعے پر گہرے رنج و غم کا اظہار کیا ہے۔ انہوں نے کہا کہ وفاقی حکومت افغان عوام کے ساتھ ہمدردی اور یکجہتی کے طور پر ہر ممکن تعاون کیلئے پر عزم ہیں۔ اپنے تعزیتی بیان میں جمال شاہ کاکڑ نے کہا کہ افغان عوام دکھ کی اس گھڑی میں اکیلے نہیں، پاکستان ان کے ساتھ کھڑا ہے پاکستانی عوام کے ساتھ مکمل ہمدردی کا اظہار کرتی ہے انہوں نے جاں بحق افراد کے لیے دعائے مغفرت اور زخمیوں کی جلد صحتیابی کی دعا کی۔دریں اثناء انہوں نے گلگت بلتستان میں ہیلی کاپٹر حادثے پر افسوس کا اظہار کرتے ہوئے واقعہ میں جاں بحق افراد کے اہل خانہ سے دلی ہمدردی کا اظہار کیا۔
رکن قومی اسمبلی جمال شاہ کاکڑ کا افغانستان میں زلزلے اور گلگت بلتستان میں ہیلی کاپٹر حادثے پر اظہارِ افسوس
