سابق سپیکر بلوچستان اسمبلی میرجان جمالی کا اظہار تعزیت

اوستہ محمد(این این آئی)سابق اسپیکر بلوچستان اسمبلی میر جان محمد خان جمالی نے سابق چیئرمین سینیٹ و رکن بلوچستان صوبائی اسمبلی میر صادق سنجرانی کے والد میر آصف سنجرانی کی وفات پر گہرے رنج و غم کا اظہار کرتے ہوئے کہا کہ میر صادق سنجرانی کے والد میر آصف سنجرانی کا شمار بلوچستان کے ممتاز قبائلی رہنماؤں میں ہوتا ہے میر آصف سنجرانی نے قبائل کے مابین دشمنیوں کے خاتمے خطے میں امن و امان کی بحالی اور معاشی ترقی میں اہم کردار ادا کیا۔میر جان محمد خان جمالی نے کہا کہ اس غم کی گھڑی میں ہم لواحقین کے ساتھ برابر کے شریک ہیں۔انہوں نے دعا کی اللہ پاک مرحوم کی مغفرت فرمائے جنت الفردوس میں اعلیٰ مقام عطا فرمائے اور لواحقین کو صبر و جمیل عطا فرمائے۔آمین۔