نیشنل پارٹی صحبت پور کی کوئٹہ دھماکے کی مذمت، ریاستی سیکیورٹی اداروں کو ناکامی کا ذمہ دار قرار

صحبت پور(نامہ نگار)نیشنل پارٹی صحبت پور کے ضلعی صدر میر رستم خان کھوسہ ، جنرل سیکرٹری رحمت بلوچ ، ضلعی ترجمان فیض بلوچ و دیگر نے کوئٹہ میں بلوچستان نیشنل پارٹی کے زیرِ اہتمام منعقدہ جلسے میں خودکش دھماکے کی شدید الفاظ میں مذمت کرتے ہوئے کہا ہے کہ ریاست سیاسی رہنماٶں کو تحفظ دینے اور امن و امان بحال کرنے میں مکمل طور پر ناکام ہوچکی ہے انہوں نے کہا ہے کہ اس جلسے میں بلوچستان کے نامور سیاسی لیڈر میر کبیر احمد محمد شہی، سردار اختر جان مینگل، محمود خان اچکزئی ودیگر قوم پرست رہنما شریک تھے ریاست کی ذمہ داری بنتی تھی کہ وہ جلسے میں سیکیورٹی کے سخت انتظامات کرتے لیکن وہ بری طرح ناکام ہوچکی ہے حملے میں متعدد کارکنان کی شہادتیں اور درجنوں کارکنان زخمی ہوئے ہیں، پرامن جلسے پر حملہ ریاستی سیکیورٹی اداروں کی ناکامی کا منہ بولتا ثبوت ہے، ریاست کی بنیادی ذمہ داری شہریوں کے زندگیوں کی تحفظ کو یقینی بنانا ہے جس میں ریاست مجموعی طور پر ناکام ہو چکی ہے، ہمارا مطالبہ ہے کہ ریاست حملے میں ملوث قوتوں کو قانون کے کٹہرے میں لاکر انہیں سخت سزا دی جائے