سینیٹر سردارمحمد عمر گورگیج کی قیادت میں وفد کی اختر مینگل سے ملاقات، دھماکے میں شہید ہونیوالوں کیلئے فاتحہ خوانی

کوئٹہ(این این آئی)پاکستان پیپلزپارٹی بلوچستان کے صدر و سینیٹر سردارمحمد عمر گورگیج کی قیادت میں ایک وفد نے بلوچستان نیشنل پارٹی کے سربراہ سردار اختر جان مینگل کی رہائش گاہ پرجاکر گزشتہ روز دھماکے میں سیاسی کارکنوں کی شہادت پر تعزیت اورفاتحہ خوانی کی۔پیپلزپارٹی کے وفد میں صوبائی جنرل سیکرٹری ربانی خان کاکڑ، صوبائی انفارمیشن سیکرٹری و صوبائی وزیر میر ظہور احمد بلیدی، صوبائی وزیر صحت بخت محمد کاکڑ، ایم پی اے میر عبید اللہ گورگیج،در محمد ہزاراہ، سردار زاداہ قادر گورگیج، سردار ذاداہ بلوچ خان گورگیج،، امتیاز جتکٗ عابدگورگیج اوردیگر شامل تھے اس موقع پر ایم پی اے خضدار میر یونس زہری، سابق ایم این اے آغا حسن بلوچ، سابق ایم پی اے میر اختر حسین لانگو، ایڈوکیٹ ساجد ترین بھی موجود تھے۔ وفد نے بی این پی کے زیراہتمام ہونے والے جلسے کے بعد خود کش دھماکے کی مذمت کی اور دھماکے میں شہید ہونے والے افراد کے اہل خانہ سے تعزیت و ہمدردی اور زخمیوں کی جلد صحت یابی کیلئے بھی دعا کی۔