سابق صوبائی وزیر مولانا محمد سرور موسیٰ خیل کی کمشنر لورالائی ڈویژن ولی محمد بڑیچ سے ملاقات

لورالائی(این این آئی) سابق صوبائی وزیر مولانا محمد سرور موسیٰ خیل کی کمشنر لورالائی ڈویژن ولی محمد بڑیچ سے ملاقات، علاقائی مسائل پر تبادلہ خیال جمعیت علماء اسلام کے صوبائی سینئر نائب امیر وامیر ضلع موسے خیل سابق وزیر مولانا محمد سرور ندیم موسیٰ خیل نے کمشنر لورالائی ڈویژن ولی محمد بڑیچ سے ملاقات کی، جس میں خطے کی مجموعی سیاسی و سماجی صورتحال اور ترقیاتی کاموں پر تفصیلی گفتگو ہوئی ملاقات میں خاص طور پر تعلیم، صحت، سڑکوں کی بہتری اور لورالائی ڈویڑن کی مجموعی ترقی پر زور دیا گیا۔ مولانا سرور ندیم موسیٰ خیل نے عوامی مسائل اجاگر کرتے ہوئے کہا کہ پسماندہ علاقوں کو ترقی کی قومی دھارے میں لانے کے لیے مؤثر حکمت عملی اور فوری اقدامات کی ضرورت ہیکمشنر ولی محمد بڑیچ نے مولانا سرور ندیم موسیٰ خیل کو یقین دہانی کرائی کہ ضلعی انتظامیہ عوامی فلاح و بہبود کے منصوبوں کو ترجیح دے رہی ہے، اور تمام شعبوں میں بہتری کے لیے سنجیدہ اقدامات کیے جا رہے ہیں ملاقات میں کمشنر لورالائی ڈویڑن نے ترقیاتی منصوبوں کے حوالے سے تعاون جاری رکھنے کی یقین دہانی کرائی۔