پروفیسر ڈاکٹر کلیم اللہ بڑیچ ودیگر کا راحیلہ درانی سے والدہ کے انتقال پراظہار تعزیت

کوئٹہ(ان این آئی) اکیڈمک اسٹاف ایسوسی ایشن جامعہ بلوچستان کے صدر پروفیسر ڈاکٹر کلیم اللہ بڑیچ، جنرل سیکرٹری فرید خان اچکزئی، نائب صدر ڈاکٹر شبیر احمد شاہوانی، جوائنٹ سیکرٹری میڈم زہرا ملغانی، فنانس سیکرٹری پروفیسر ڈاکٹر صاحبزادہ باز محمد کاکڑ، پریس سیکرٹری رحمت اللہ اچکزئی، اور ایگزیکٹو ممبران میڈم فرحانہ عمر مگسی، ڈاکٹر گل محمد بلوچ، ڈاکٹر محب اللہ کاکڑ اور مسعود مندوخیل نے اپنے ایک مشترکہ تعزیتی بیان میں صوبائی وزیرِ تعلیم محترمہ راحیلہ حمید درانی کی والدہ محترمہ کے انتقال پر گہرے دکھ اور افسوس کا اظہار کیا۔بیان میں انہوں نے مرحومہ کے اہلِ خانہ سے دلی ہمدردی اور تعزیت کرتے ہوئے دعا کی کہ اللہ تعالیٰ مرحومہ کو اپنی جوارِ رحمت میں جگہ عطا فرمائے، ان کی مغفرت فرمائے، جنت الفردوس میں بلند مقام نصیب کرے، اور لواحقین کو اس صدمے کو برداشت کرنے کے لیے صبرِ جمیل عطا فرمائے۔ آمین ثم آمین۔