سابق صوبائی کابینہ کے فیصلے کے مطابق سب انجینئرز کی پوسٹ کوا پ گریڈ کرکے گریڈ14کی منظوری دی جائے،حاجی ابراہیم زہری

کوئٹہ(این این آئی)پاکستان ڈپلومہ انجینئرز فیڈریشن کے صوبائی جنرل سیکرٹری حاجی محمدابراہیم زہری سے ڈپلومہ انجینئرز کے ایک وفد نے ملاقات کی اور ڈپلومہ انجینئرز کے مسائل پر تبادلہ خیال کیا۔پاکستان ڈپلومہ انجینئرز فیڈریشن کے صوبائی جنرل سیکرٹری حاجی محمدابراہیم زہرینے کہا کہ صوبائی حکومت کو چاہئے کہ وہ سابقہ صوبائی کابینہ کے فیصلے کے مطابق سب انجینئرز کی پوسٹ کواپ گریڈ کرکے گریڈض14کی منظوری دی جائے حالانکہ صوبے کے تمام ملازمین جن میں ٹیچرز،کلرکس کی پوسٹوں کو اپ گریڈ کیا گیا ہے لیکن ڈپلومہ انجینئرز اپ گریڈیشن سے محروم ہیں اسکے علاوہ لوکل گورنمنٹ کے سب انجینئرز کو اسسٹنٹ انجینئر گریڈ17پر پرموشن کے ورکنگ پیپر جلداز جلد تیار کیا جائے تاکہ لوکل گورنمنٹ کے سب انجینئرز کی پرموشن ہوسکے۔انہوں نے کہا کہ عنقریب لوکل گورنمنٹ کی کابینہ کا اجلاس منعقد کرکے آئندہ کے لائحہ عمل کا اعلان کیا جائے گا۔