پارٹی کارکنان ہماراسرمایہ ہیں،نورالدین کاکڑ

کوئٹہ(این این آئی)پاکستان پیپلز پارٹی کوئٹہ سٹی کے سابق صدر نورالدین کاکڑ نے کہا ہے کہ پارٹی کارکنان ہماراسرمایہ ہیں بلدیاتی انتخابات میں بہترین حکمت عملی کے ساتھ حصہ لیکربھر پور کامیابی حاصل کریں گے پارٹی کے جیالے پیپلز پارٹی کے امیدواروں کی کامیابی کیلئے دن رات جدوجہد کریں۔ یہ بات انہوں نے اتوار کو پاکستان پیپلز پارٹی کوئٹہ سٹی سیکرٹریٹ سرکی روڈ پر ملاقات کرنے والے پارٹی کے بلدیاتی انتخابات کے امیدواروں اورکارکنوں سے بات چیت کرتے ہوئے کہی ملاقات کے دوران کوئٹہ کے آنے والے بلدیاتی انتخابات کی تیاریوں، تنظیمی امور، انتخابی حکمتِ عملی، وارڈ سطح پر رابطہ مہم اور عوامی مسائل کے حل کے لیے مختلف تجاویز پرتفصیلی تبادلہ خیال کیا گیا۔نورالدین کاکڑ نے کہا کہ پاکستان پیپلز پارٹی نے ہمیشہ عوام کو طاقت کا سرچشمہ سمجھا ہے اورانشاء اللہ عوام کی طاقت سے کوئٹہ کے بلدیاتی انتخابات میں پیپلز پارٹی بھرپور کامیابی حاصل کریگی۔انہوں نے کہا کہ پاکستان پیپلز پارٹی نے ہمیشہ عوام کے حقوق کے حصول اورانکے مسائل کے حل کیلئے آواز بلند کی ہے یہی وجہ ہے کہ پاکستان پیپلز پارٹی عوام کے دلوں میں بستی ہے جسے عوام کے دلوں سے نکالنا کسی کے بس کی بات نہیں ہے۔ انہوں نے کہا کہ کوئٹہ کے بلدیاتی انتخابات میں پیپلزپارٹی تمام وارڈز میں اپنے امیدوار کھڑے کرکے بھر پور کامیابی حاصل کریگی کارکن پیپلز پارٹی کے نامزد امیدواروں کی کامیابی کیلئے عوام سے قریبی رابطہ رکھیں۔ انہوں نے کہا کہ انشاء اللہ کوئٹہ کے ٹاونز چیئرمین اور میئر کوئٹہ بھی پیپلز پارٹی کا جیال ہوگا جو عوام کی بلا رنگ و نسل خدمت کریگا۔