قومی شاہراہ پر کھاٹا پل خستہ حالی کا شکار پل پر بڑا شگاف پڑ گیا ہے کسی بھی وقت حادثے کا سبب بن سکتا ہے عوامی حلقوں کا حکام بالا سے فوری نوٹس لینے کا مطالبہ کیا ہے

لسبیلہ(رپورٹ بیوروچیف حفیظ دانش) قومی آر سی ڈی شاہراہ پر واقع کھاٹا پل خستہ حالی کا شکار ہو چکا ہے پل کے کناروں پر پڑنے والے گہرے شگاف اور گڑھوں نے مسافروں اور ٹرانسپورٹرز کی زندگی کو خطرے میں ڈال دیا ہے۔ مقامی شہریوں نے شدید تشویش کا اظہار کرتے ہوئے کہا کہ اگر فوری مرمت نہ کی گئی تو کسی بڑے حادثے کا خطرہ ہےتشویشناک بات یہ ہے کہ نیشنل ہائی وے اتھارٹی (NHA) کا دفتر پل سے چند قدم کے فاصلے پر ہونے کے باوجود کسی قسم کی مرمتی کارروائی یا احتیاطی اقدامات نہیں کیے گئے۔ علاقہ مکینوں کا کہنا ہے کہ NHA کی خاموشی خطرناک غفلت ہے جو کسی بڑے سانحے کا پیش خیمہ بن سکتی ہےعوامی حلقوں، مسافروں اور ٹرانسپورٹرز نے وفاقی وزیر مواصلات، NHA حکام اور ڈپٹی کمشنر لسبیلہ محترمہ حمیرا بلوچ سے مطالبہ کیا ہے کہ کھاٹا پل کی فوری مرمت کی جائے، بیریئرز لگائے جائیں اور پل پر ٹریفک کو ممکنہ خطرات سے بچانے کے لیے ہنگامی بنیادوں پر اقدامات کیے جائیں۔