ارجنٹائن کے عالمی شہرت یافتہ فٹبالر لیونل میسی نے اپنے والد خورخے میسی کی وفات کے بعد انتہائی جذباتی پیغام میں فٹبال سے مستقبل کے تعلق پر بھی سوال اٹھا دیا ہے۔
میسی نے سوشل میڈیا پر اپنے والد کو خراجِ عقیدت پیش کرتے ہوئے کہا کہ انہیں سمجھ نہیں آ رہا کہ وہ ان کے بغیر زندگی کیسے آگے بڑھائیں گے۔
انہوں نے بتایا کہ والد کی صحت بگڑنے کے باوجود انہوں نے ارجنٹائن کو ورلڈکپ کے فائنل تک پہنچانے کی کوشش کی تاہم اس دوران وہ شدید ذہنی دباؤ کا شکار رہے۔
میسی کے مطابق وہ صرف فٹبال کھیلنا جانتے ہیں لیکن اب انہیں سنجیدہ خدشات ہیں کہ آیا وہ زیادہ عرصے تک کھیل جاری رکھ سکیں گے یا نہیں۔
اپنے پیغام میں میسی نے بتایا کہ ان کے والد نے بیماری کے دوران بھی انہیں 2026 ورلڈکپ کھیلنے کی ترغیب دی تھی۔
انہوں نے کہا کہ ورلڈ کپ کے دوران ہر میچ کے بعد وہ والد کے پیغام کا انتظار کرتے تھے کیونکہ پہلی مرتبہ وہ ان کے ساتھ میدان میں موجود نہیں تھے۔
یاد رہے کہ میسی کے والد 68 برس کی عمر میں ہفتے کے روز انتقال کر گئے تھے۔
