میر یوسف علی خان قلندرانی کو فوری طور پر بحفاظت بازیاب کرایاجائے، جمعیت علماء اسلام کے رہنما حسین قلندرانی

خضدار(این این آئی) جمعیت علمائے اسلام کے مرکزی رہنما سردار علی محمد خان قلندرانی کے فرزند اور وائس چیئرمین توتک، میریوسف علی خان قلندرانی کو 17 اگست 2025 کو کراچی میں ان کی رہائش گاہ سے اغوا کیا گیا۔ جمعیت طلباء اسلام (سید عطا اللہ شاہ بخاری یونٹ کوشک) کے عہدیداران نے اس کی مذمت کرتے ہوئے فوری بازیابی کا مطالبہ کیا ہے صدر صدام حسین قلندرانی، نائب صدر نوراللہ، بشیر احمد، جنرل سیکرٹری منیر احمد، ترجمان انعام الحسن اور دیگر نے کہا کہ میریوسف نظریاتی کارکن ہیں اور ان کا اغوا خاندان، علاقے اور جماعت کے لیے تشویش ناک ہے۔ انہوں نے کہا کہ یہ واقعہ امن و امان کی صورتحال پر سوالیہ نشان ہے۔ ریاستی اداروں سے مطالبہ کیا گیا کہ میریوسف کو بحفاظت بازیاب کیا جائے۔سردار علی محمد خان کے خاندان کو ماضی میں بھی جبری گمشدگیوں کا سامنا رہا ہے،۔ کارکنوں سے دعاؤں اور عملی کوششوں کی اپیل کی گئی ہے۔رہنماؤں نے حکومت سے شفاف تحقیقات اور فوری بازیابی کا مطالبہ کیا۔ جمعیت طلباء اسلام نے کہا کہ وہ ہر فورم پر آواز اٹھائیں گے اور بازیابی تک احتجاج جاری رکھیں گے۔