ہندو محلہ میں سرکاری راستہ بند اور غیرقانونی اسپیڈ بریکر، عوامی مشکلات میں اضافہ

لسبیلہ(بیوروچیف) ہندو محلہ میں سرکاری راستے کی بندش اور غیرقانونی اسپیڈ بریکر پر عوامی تشویش میں اضافہ تفصیلات کے مطابق ہندو محلہ میں چند بااثر افراد کی جانب سے کھلی غنڈہ گردی سامنے آئی ہے، جہاں سرکاری روڈ پر بریئر لگا کر راستہ بند کر دیا گیا ہے۔ذرائع کے مطابق، مذکورہ افراد نے سڑک کو اپنی جاگیر تصور کرتے ہوئے نہ صرف راستہ بند کیا، بلکہ اگلی گلی میں غیر معمولی اسپیڈ بریکر بھی تعمیر کر دیا، جس سے علاقے میں رہائش پذیر شہریوں کو شدید مشکلات کا سامنا ہے۔اہلِ علاقہ کا کہنا ہے کہ:بڑے اسپیڈ بریکر کی وجہ سے ٹوڈی کار، چنگچی رکشہ، اور موٹر سائیکلیں گزرنے سے قاصر ہیں۔اس مشکل کے باعث لوگ متبادل گلی جو اب بند کر دی گئی ہے سے آمد و رفت کرتے تھے۔بریئر لگنے سے لوگوں کو بڑی مشکلات پیش ہوتی ہے۔عوامی حلقوں میں غم و غصے کی لہر دوڑ گئی ہے اور انہوں نے متعلقہ حکام سے فوری نوٹس لینے کا مطالبہ کیا ہے۔عوامی حلقوں نے ڈپٹی کمشنر لسبیلہ محترمہ حمیرا بلوچ، چیئرمین میونسپل کمیٹی سید سومار شاہ کاظمی، اور چیف آفیسر حاجی محمد خان دوداسے اپیل کی ہے کہ:ہندو محلہ میں سرکاری راستے پر لگے بریئر کو فوری طور پر ہٹایا جائےغیرقانونی اسپیڈ بریکر کومسمار کیا جائےآئندہ ایسی خلاف ورزیوں پر قانونی کارروائی کی جائے تاکہ سرکاری راستے عوام کے لیے کھلے رہیں۔