نصیرآباد ربی کینال میں زرعی پانی کی بندش کے خلاف زمینداروں اورکسانوں نے احتجاجاً قومی شاہراہ بلاک کردی

ڈیرہ مراد جمالی (این این آئی) نصیرآباد ربی کینال میں زرعی پانی کی بندش کے خلاف زمیندار اور کسان سراپا احتجاج قومی شاہرار کو بلاک کر دیا سندھ اور بلوچستان کے درمیان چلنے والی ٹریفک معطل ہزاروں گاڑیوں کی قطریں لگ گئی زرعی پانی بند کرکے کسانوں اور زمینداروں کو خودکشی کرنے پر مجبور کیا جارہا ہے پانی کی بندش سے اربوں روپے کا نقصان پہنچایا جارہاہے نصیرآبادمیں زرعی پانی کو سیاسی انتقامی کارروائی کے تحت استعمال کیا جارہاہے زمینداروں کا خطاب انتظامیہ سے طویل مذاکرات کے بعد احتجاج ختم قومی شاہراہ کھول دی گئی نصیرآباد کے علاقے ڈیرہ مراد جمالی ربی کے مقام پر پانی کی بندش کے خلاف زمینداروں اور کسانوں نے سینکڑوں کی تعداد میں قومی شاہراہ پر دھرنا دیکر سندھ اور بلوچستان کے درمیان چلنے والی ٹریفک کو بند کر دیا جس کے باعث ہزاروں چھوٹی اور بڑی گاڑیوں کی قطریں لگ گئی شدید گرمی میں مسافروں کو سخت مشکلات کا سامنا کرنا پڑا اس موقع پرزمیندار کسان اتحاد کے صدر میر دین محمد گرانی سمیت دیگر نے خطاب کرتے ہوئے کہا کہ نصیرآبادربی کینال میں ایک سوچے سمجھے منصوبے کے تحت زرعی پانی بند کرکے زمینداروں اور کسانوں کو اربوں روپے کا نقصان پہنچایا جارہا ہے گرین بلیٹ کو تباہ کیا جارہاہے ربی کینال مین کھبی بھی پانی بند نہیں کیا گیا مگر موجود دور میں پانی بند کرکے معاشی قتل کیا گیا زرعی پیداوار نہ ہونے کے برابر ہے زرعی پانی کو بطورسیاسی انتقام استعمال کرنا نہایت افسوس ناک عمل ہے جس کی جتنی بھی مذمت کی جاے وہ کم ہے بعد ازیں اسسٹنٹ کمشنر ڈیرہ مراد جمالی ایریگشن کے افسران نے زمینداروں سے کامیاب مذاکرات کرکے قومی شاہراہ کو ٹریفک کے لیے کھول دیا۔