کلی تکئی بوائز اور گرلز ہائی سکولوں کے اساتذہ کو ڈیوٹی کاپابند بنایا جائے،شاہ وزیر مندوخیل

ژوب (این این آئی) نوجوانان ایکشن کمیٹی کلی تکئی کے شاہ وزیر مندوخیل خالقداد سمیع اللہ صمد خان ابراہیم خلیل محمد ہاشم محمد یار رحمت خان آدم خان الف الدین نذر خان اور دیگر نے پریس کانفرنس سے خطاب کرتے ہوئے کہا ہے کہ کلی تکئی بوائز اور گرلز ہائی سکولوں کے اساتذہ کو ڈیوٹی کاپابند بنایا جائے انہوں نے کہا کہ کلی تکئی سینکڑوں گھرانوں پر مشتمل علاقہ ہے مگر آج بھی علاقے کے بچے اور بچیاں سرکاری سکول ہونے کے باوجود تعلیم کے حصول سے محروم ہے انہوں نے کہا کہ گورنمنٹ بوائز ہائی سکول تکئی اور گرلز ہائی سکول تکئی میں اتوار کے ساتھ جمعہ کے دن بھی چھٹی ہوتی ہے جبکہ باقی دنوں میں اساتذہ انتہائی تاخیر سے دن ساڑھے نو دس بجے آنے کے بعد بارہ بجے چھٹی کر کے چلے جاتے ہیں انہوں نے کہا کہ اس حوالے سے سابقہ اور موجوڈ ڈی ای او اور ڈی او ای خواتین کو بار بار تحریری طور پر شکایات کر چکے ہیں مگر کوئی عملدرآمد نہیں ہو رہا ڈپٹی کمشنر ڑوب کو بھی آگاہ کر دیا ہے جنہوں نے کاروائی کی یقین دہانی کرائی ہے انہوں نے کہا کہ اگر یہی سلسلہ برقرار رہا تو بہت جلد بچے اور بچیوں کو شہر لاکر ڈپٹی کمشنر یا ایجوکیشن دفتر کے باہر دھرنا دینے پر مجبور ہونگے انہوں نے کہا کہ گورنر بلوچستان شیخ جعفر خان مندوخیل کا تعلق بھی ڑوب سے ہیں سے نوٹس لینے کی خصوصی اپیل کرتے ہیں انہوں نے صوبائی وزیر تعلیم سیکرٹری تعلیم رکن صوبائی اسمبلی فضل قادر مندوخیل سے غیر حاضر اور غفلت کے مرتکب اساتذہ کے خلاف فوری کاروائی کرنے کا مطالبہ کیا