سوشل ورکرز،کمیونٹی ورکرز،کمیونٹی موبلائزر کو فراہم کی جانی والی ٹریننگ کے دور رس نتائج برآمد ہونگے،امبرین مینگل

کوئٹہ(این این آئی) محکمہ پاپولیشن ویلفیئرڈیپارٹمنٹ کی ڈائریکٹر ٹیکنیکل امبرین مینگل،ڈائریکٹر عبدالستار شاہوانی،جمعہ خان کاکڑ،ڈاکٹر حفیفہ سنجرانی،سائرہ طاہری،ڈپٹی ڈائریکٹر حبیبہ،یو این ایفپی ای کی الماس،عبدالطیف محمد حسنی نے سوشل ورکرز،کمیونٹی ورکرز اور کمیونٹی موبلائزر کو فراہم کی جانے والی ٹریننگ کے دور رس نتائج برآمد ہونگے،متوازن خاندان،آسان زندگی کیلئے خاتون کو یہ حق حاصل ہونا چاہئے کہ فیصلہ کرسکے کہ کتنے بچے پیدا کرنے ہیں اور کس وقت بچے کی پیدائش میں وقفہ دینا ہے یہ بات انہوں نے ہفتہ کو مقامی ہوٹل میں محکمہ پاپولیشن ویلفیئر اور یو این ایف پی اے اوکے تعاون سے سوشل ورکرز،کمیونٹی ورکرز اور کمیونٹی موبلائزرکو ٹریننگ کی فراہمی کے موقع پر خطاب کرتے ہوئے کہی۔مقررین نے کہا ہے کہ وقت کی تبدیلی کے ساتھ ساتھ ہم نے اپنے سماجی اقدار کو ختم کردیا ہے جو فیصلہ پہلے گھر کے بڑے کرتے تھے وہ وقت کی تبدیلی کے ساتھ تبدیل ہوگیاہے اب میاں اور بیوی کو یہ فیصلہ کرنا ہے کہ وہ بچوں کی پیدائش میں کتنا وقفہ رکھیں۔انہوں نے کہا کہ تولیدی صحت کے حوالے سے خاتون کو یہ حق حاصل ہونا چاہئے کہ وہ کب اور کتنے بچے پیدا کرنا چاہتی ہے۔ انہوں نے کہا کہ ماں اور بچے کی بہتر کیلئے بچے کی پیدائش میں وقفہ بہت ضروری ہے کیونکہ جب خاتون کی صحت اچھی ہوگی توبچے بھی صحت مند پیدا ہونگے۔انہوں نے کہا کہ محکمہ پاپولیشن ویلفیئر،محکمہ صحت اور دیگر شراکتی اداروں کے عملہ خاندانی منصوبہ بندی سے متعلق خواتین کو مفید معلومات کی فراہمی میں اپنا کردارادا کریں تاکہ خاتون کو پتہ ہونا چاہئے کہ جب بچے کی پیدائش کا وقت ہو تو اسکو قریبی ہسپتال جاناہے اور کونسے ڈاکٹر کے پاس جانا ہے۔انہوں نے کہا کہ سوشل ورکرز،کمیونٹی ورکرز اور کمیونٹی موبلائزرکو یہ معلومات ہونی چاہئے کہ انکے پاس کونساہسپتال ہے اور اسوقت ہسپتال میں سروس فراہم کرنے کیلئے ڈاکٹر،پیرامیڈیکل سٹاف،نرسز وغیرہ موجود ہیں تاکہ بچے کی پیدائش میں کوئی مسئلہ پیا نہ ہو۔انہوں نے کہا کہ محکمہ پاپولیشن ویلفیئر اور یو این ایف پی اے سوشل ورکرز،کمیونٹی ورکرز اور کمیونٹی موبلائزرکو وقتا ًفوقتا ً ٹریننگ فراہم کررہا ہے جس کے دوررس نتائج برآمد ہونگے۔