راولپنڈی،سال سے زیر تکمیل ماں بچہ ہسپتال منصوبہ وفاق سے حکومت پنجاب کو منتقل

راولپنڈی (این این آئی) راولپنڈی میں 22 سال سے زیر تکمیل ماں بچہ ہسپتال منصوبہ وفاق سے حکومت پنجاب کو منتقل کردیا گیا۔ سیکرٹری اسپیشلائزڈ ہیلتھ کیئر اینڈ میڈیکل ایجوکیشن ڈیپارٹمنٹ کی جانب سے جاری نوٹیفکیشن کے مطابق پنجاب حکومت نے ماں، بچے کی بجائے اسے چلڈرن ہسپتال بنانے کا فیصلہ کیا ہے، منصوبے کو سالانہ ترقیاتی پروگرام میں بھی شامل کر لیا گیا ہے، نوٹیفکیشن کے مطابق صوبائی حکومت نے 200بیڈ کا چلڈرن ہسپتال کم سے کم وقت میں فنکشنل کرنے کا فیصلہ کیا ہے۔نوٹیفکیشن کے مطابق پی سی ون بنانے کیلئے ڈاکٹر حنا ستار کو پراجیکٹ ڈائریکٹر مقرر کیا گیا ہے جبکہ وائس چانسلر یونیورسٹی آف چائلڈ ہیلتھ سائنسز لاہور ڈاکٹر مسعود صادق کو فوکل پرس مقرر کیا گیا ہے۔