پاکستان بھرمیں ڈاکٹروں کا قومی دن یکم جولائی کو منایا جائے گا

فیصل آباد (این این آئی)پاکستان بھرمیں ڈاکٹروں کا قومی دن یکم جولائی کو منایا جائے گا۔اس دن کو منانے کا مقصد ہماری زندگی میں معالجین کی اہمیت اور انکی ذمہ داریوں کے متعلق آگاہی پید اکرنا ہے، اس سلسلے میں فیصل آباد سمیت ملک بھرمیں مختلف میڈیکل اداروں اور ڈاکٹرز ایسوسی ایشن کے زیراہتمام تقریبات کا اہتمام کیاگیاجس میں مقررین نے ڈاکٹروں کے اپنے پیشے کے ساتھ انصاف اور مریضوں کے ساتھ انتہائی خوش اسلوبی سے اپنے فرائض انجام دینے کے متعلق ڈاکٹروں کے کردار پر تفصیل سے روشنی ڈالی۔