گوادر، پاک چین فرینڈشپ اسکول میں موبائل لائبریری کا افتتاح

گوادر (این این آئی)پاک-چین فرینڈشپ اسکول، جو سرکاری طور پر ”گورنمنٹ گرلز مڈل اسکول فقیر کالونی، گوادر“کے نام سے جانا جاتا ہے میں 10 دسمبر کو یونیسف کی خصوصی تعلیمی مہم ”موبائل لائبریری“جوش و خروش کے ساتھ شروع کی گئی۔گوادر پرو کے مطابق پاک-چین فرینڈشپ اسکول گوادر کو یونیسف کی بچوں میں خواندگی بڑھانے کی مہم کے آغاز کے لیے منتخب کیا گیا ہے۔ اس اسکول کے 500 سے زائد داخل شدہ طلبہ اس مہم کے پہلے فائدہ اٹھانے والے ہیں، جنہیں مختلف کتابیں مفت فراہم کی جائیں گی۔ بعد ازاں یہ موبائل لائبریری گوادر کے دیگر تعلیمی اداروں میں بھی جائے گی۔حکومت بلوچستان، ضلع ایجوکیشن گوادر اور گلوبل پارٹنرشپ کے تعاون سے، یونیسف کے ”موبائل لائبریری پروگرام“کا افتتاح صوبائی قانون ساز ہادیہ الرحمان نے پاک-چین فرینڈشپ اسکول گوادر میں کیا۔ رِبن کٹنگ تقریب میں ضلع ایجوکیشن آفیسر ظاہِر حسین، ضلع پروگرام مینیجر عدیل نورازی، سابق میونسپل چیئرمین شریف میان داد، اسکول انتظامیہ اور طلبہ بڑی تعداد میں موجود تھے۔یونیسف موبائل لائبریری یا بْک وین کا بنیادی مقصد طلبہ میں کتابوں سے دوستی کا شعور بیدار کرنا، مطالعے کی عادت کو فروغ دینا اور طلبہ کو گہری مطالعات کی ترغیب دینا ہے۔پاک-چین فرینڈشپ اسکول کی نویں جماعت کی طالبہ خدیجہ بلوچ نے گوادر پرو کو بتایا کہ پہلے دن جب وہ موبائل لائبریری یا بْک وین میں داخل ہوئی، تو اسے بہت سی ایسی کتابیں ملیں جو براہِ راست ان کے نصاب سے متعلق تھیں۔ گوادر جیسے دور دراز علاقے میں، یونیسف موبائل لائبریری نے ہمارے لیے ایک نئی دنیا کھول دی ہے۔پاک-چین فرینڈشپ اسکول کی فوکل پرسن نسیم بلوچ نے اسکول میں یونیسف بْک وین کی کاوشوں کی تعریف کرتے ہوئے کہا کہ یہ ایک صحت مند اور مطالعے کو فروغ دینے والا پروگرام ہے۔ یہاں کچھ دن گزارنے کے بعد، یونیسف موبائل لائبریری یا بْک وین گوادر کے علاقے کے 350 سے زائد دیگر تعلیمی اداروں میں جائے گی۔اس اقدام کی منظوری بلوچستان اسکول ایجوکیشن ڈیپارٹمنٹ نے دی ہے، گوادر کے طلبہ کے لیے معیاری تعلیم تک رسائی بہتر بنانے میں ایک اہم سنگ میل ہے۔